5 posts tagged “beauty”
我想我已鐵定不會再戴隱形眼鏡～
從前有個低能仔，特登用相同角度，影左兩張 "鏡前" 同 "鏡後" 分別。
而果個裝得落成隻水餃既眼袋，係佢老豆遺傳既，係以前後生又夠瞓既時候，都有機會收得埋既。只係隨著年紀漸大，褲都著得大條D，乜都鬆晒，咁即使瞓足成日都只係腰酸骨痛，隻蝦餃就只會越來越大....
如果有世界末日、外星人侵入地球、planet X擦過地球的話，都唔見得比眼下有兩個planet 2乘X、以及外星物侵入眼下球感覺更加世界末日。
以前我聽過手術去眼袋，就是在表面打直，然後會割到一些脂肪出來（凝膠啫喱咁俾番你睇），且手術後勤用冰凍敷一段時間，然後條疤就唔會咁覺，上埋遮瑕既話，就直情會隱形添！
不過近來聽過再先進一點的駭人手術：就是在內部的下眼皮和眼球中間割開，然後把脂肪抽出來（嘩！我驚盲啊。）我老闆娘還見她的朋友手術後不錯，仲心郁郁想去做添！
講真，50幾歲，都唔係做乜職業，咁靚仲乜鬼啊。再加上動過刀，日後只會更顯老。
感歎 "青春，真可愛青春.... "
我呢半年都唔知做乜，忽然會注意自己儀容，然後會日日化下粧返工。
究竟係覺得青春無多，定係太多化妝品呢？
不過我知比較大的主因，就是冬天。夏天化妝嘛，朝早未返到公司就已經溶了。
可能冬天是賣出化妝品的旺季呢，再加上聖誔新年這些大時大節。
想當初我初進這間公司，頭一個月也是天天化妝的。
其實化了妝不會令人喜出望外，根本同事都未必記得會望你，只係你自己高興。
到現在我仍有信心，我不化妝，是不會變鬼的。
昨天剛剛收拾好化妝鏡，
將太久的丟掉，然後收拾得好，就是要說給自己聽：其實我有什麼跟什麼。
我看VIDEO，那個人將個抽屜分隔，化妝東東打竪放，於是我就找到合用鐵箱，將東東竪起。
這幾乎是我全部東西了。
我騰空了一個化妝箱，再幾乎空出另一個化妝箱～
化妝掃這樣子插，原來不太多。
我看youtube的video，那個女仔的化妝掃裝滿幾個筆插，然後密密麻麻的幾個抽屜就是粉底呀唇高呀什麼什麼的。
每個人塊面都係八寸丁方大（或者有些更大的），有時候東西買完不去用，會很浪費。
所以，要常常check下自己有什麼，咁就可避免買重覆的了。
我很少打理我的手指甲，
所以它既黑麻麻，又凹凹凸凸...
指甲反映健康嘛，所以我一早知道自己是有病的了～
這兩天終於的起心肝買磨指甲的東西：
好令啊！雖然你還見到黑麻麻的。
現我每天都看著它啊，呵呵！
最後附上今天的淡粧照一張。
昨晚我放了塊刮痧版出來，今天化粧前先按摩，再加上手機的拍照技巧：
塊面長晒！
呢張我覺得自己好肥，但就係相隔一個禮拜都無。
真係神奇！
係屋企化妝通常會漏掉最後一個步驟，就是－－塗唇膏！
我是習慣上車才會塗的。
希望大家天天都漂亮喔！
早兩星期前知道波波澎有學化妝課程，於是手痕走去報名。
其實都早知會是速銷手法，不過說是速銷，因它是超大牌子關係，無論你買幾多或做什麼會員等，一律都不會有特價。
感覺很搵笨。
波波澎的理論是一些很基本隱惡揚善特出輪廓的妝，天天這樣的話感覺很悶，其實看上最簡單、最基本的妝是最難化的。
昨天，我遇到一個男的化妝師，通常男的化妝師感覺較女的細心、較女的厲害，
之不過今次這個嘛.....
其實佢既提議不錯，不過感覺唔和善哦，仲有D窒我 =0=。
始終都是幫公司的一個盡心員工，縱使我撻別的東西問他，其實他都很鄙視的，仲問番我轉頭："點解要咁做先？"當堂就俾佢問到口啞啞。其實佢唔係叻（太叻幹什麼呢？）只係熟他要推介的產品，我揀的（即是我喜歡的）顏色，他都說太浮腫啦太誇張；情況就同我鐘意既衫唔啱我著一樣（真係唔知典解我專鐘意D唔襯自己既衫，同唔襯自己既人，攪到我無晒人生樂趣），佢介紹俾我既顏色其實都好，但下次我唔會貿貿然就咁走入呢間公司買野攞，自己又無眼光，哦原來企係度既SALES提議我買既野原來又唔啱我用，淨係你提議既先好。
不過今次荷包都出血，買了以下的東西回來（價錢就唔講啦，私下再問啦 XD）
(2) 橙色為瑕：看過某雜誌都說化妝師要快，就索性上橙色落黑眼圈.... 現可能新近流行橙色是遮黑眼圈的。第一層上橙，第二層上膚色，咁就無敵啦。
(3) 打底cream眼影：顏色是比較暗的，畫出來有立體感，我本來屋企有隻亮一點的基本色，但呢位化妝師話唔襯我喎，咁唔通我丟左佢咩！一於搵日心血來潮想扮馬騮既時候用左佢。
(4) set裝cream眼影+眼線膠：早上還是不可畫眼線.... 唔手震都去還神囉。
總之唔貪心買呢套野啦。
(5) 胭脂：都幾自然的，其實我鐘意D勁D既，不過好難塗得好睇，變左屎忽就無謂啦！都係搵日諗住扮馬騮既時候試下先。
呢個係畫左眼線既嚇人樣（友達才可觀看）：
1) 近牌常在尋寶網逛～
果然是有些寶～
買了幾支掃，它們就是搬這個女的上來～
越南美女，很漂亮啊，youtube訂閱率很高。
2) 年輕十年的化妝方法
這個女人很有Heart啊～
我學她這樣子按摩，眼部份沒太大效果，不過臉部卻瘦了一點。
以下的照片不大明顯，因為當在昨天知道了以後，就一時三刻都在按摩著～ 哈～
可以看到，對我來說分別不大，最大分別是箭點下一點點位置（沒有安裝追踪系統，指唔正添），確實是可以瘦臉
我自己就是用刮痧版刮，但用手指節都可以的。
眼附近輕力一點。
1)曱氏商廈之地滑圍城事件
話說昨天一個清早，公司另一邊辦公室的大粒建築師係辦公室出發諗住入錢，然後就係呢個濕滑既冷巷、粗心大意既一攤水，讓成今次意外。
"哎呀！"
大粒因為年紀有番咁上下，跌低左之後，已經唔可以即時爬番起身。
因為大粒係公司門口跌低，隨後就有個特工亞嬸經過，敲那間公司度門：
"啪啪啪～"
現在我想，可能因為佢跌低位置附近間唔中都有個食蕉坐係度，所以，當時可能係食蕉見住佢出嚟，然後見住佢跌低，然後就去敲門。
大粒跌親後話雙手痺痺地，咁啱我地公司個秘書係去叉嘩醫院急症室係可以唔駛排隊，於是就即刻送左佢去。
等個管理處成鬼日漏水唔整、攪到個冷巷一兜二兜咁呀嗱；呢次亞大粒跌親，我老闆實出律師信。昨天事件過後，管理處已經騰晒雞，不停咁又巡又問候間公司。跟住到今日，竟然：
好似話俾你知： "睇路呀阿伯！"
咁既話，你不如係我門口貼句 "出入平安" "路上小心" "天有不測之風雲" "塞翁失馬、焉知非福" 咁啦！
真係唔俾你D水跣死都俾你個招牌CLICK死。
到時就真係 "仆街無命賠～"
公司前門（他們封了，當後門用）
有無睇到盡頭有張碌碌椅？那個就是有時會有管理員坐的地方。
除了小心地滑外，下次應再加多句 "小心仆親"。
無啦啦俾人咁 "圍" 法，正常人都應該會好興～ 你條公家路成日有水滴，下下就封晒D主要通道.... 我唔相信咁就會過到骨囉。
如果你成幅地下都舖晒 "小心地滑" 地氈，到我仆親時，係咪又會唔關你事呢？
2) 大陸尋寶網
上星期心血來潮，玩了大陸有個專門買賣的 "尋寶" 網。
俾錢原來要經一家公司入你的尋寶帳戶，都有少少難度。
在香港他們會接受visa card，不過三個巴仙的附加費硬食，咁就失去意義啦～
那間入港紙會轉人民幣到你尋寶帳戶旳公司，滙率是1.17，應該像兌換店靠滙率賺錢的。
我買了一套標榜是 "有小瑕疪上不到架，但都是專櫃貨" 的專櫃化妝掃。
"嗄？又買化妝掃？"
問得好，但這可不是今次討論的重點喔。
當我收到貨時：
其實這個箱已經垂裂了，不過裡頭的東西沒有跌。
尊櫃的尊貴掃子。
你當它大約 $14.40（港紙）一支。
筆有掉毛情況。其實這些掃是需要後期加工，賣家在賣的時候已表明零瑕疪的還是到專櫃去，我們的掃質量很高，洗一下就無事。
所以我拿回家洗了。
其實這擺明就是冒牌貨，不過看價錢你不會有什麼要求，在後期加工（洗一下擦一下掃一下）後，果然好一點。
那兩支化學毛掃（濕粉掃及遮瑕掃）質量還不錯呢！
我買過BB(大陸簡稱BB，香港則是BOBBI BROWN)的迷你專櫃掃，始終覺得尊貴的掃子不宜在外風塵撲撲，還是躲回專櫃好，買了都不捨得用。反而這些，不見了都不覺得心痛。
附送兩個 "不如唔好送給我" 袋子。
太老翻了吧！
我令外訂了這個纏腰的袋子，不錯喔。
除了大招牌很老土以外。
我先用百多塊錢加有幾粒星的信譽店試試，起碼效率快，有貨收，仲有是俾錢收錢都繁複，杜絕了騙錢事件，我要在收到貨後，確認收貨，然後確認付款才行的喔。
ＰＳ：昨天去聽了eBaｙ講座，說真的我不喜歡賺地點站交貨或郵寄的外快，而且覺得要真的有貨源、能入貨才可以買，而不是純為膁錢。他們其中一個貨源還是在這個尋寶網呢！現在的買賣是除了你可給賣家評家以外、賣家都可給買家評分，好買家的分數日後都可以是一個好賣家，這場game真難過關～～
