安.樂.窩?

我結婚之後，都不知有幾多親戚，因於心不忍的看著我們每年搬一次而叫我們置業，連我爸也說有錢的話則會給我們首期。我一直對於借咁大嚿錢好有保留，而且拖廿年的數不會是一次性，業主的責任不輕，十年後錢都未必還到一半，又說要大執又說要維修。倘若隔籬屋住著個傻的話，有可能連間屋都俾埋佢；又或者有敲經諗佛、嘈之巴閉或兇殺案而令樓價貶值的話，則唔知點收科。有幾多人傾家蘯產去買一個 "安樂窩"，但原來一D都唔安樂。投資有升又有跌，其實樓巿都一樣，沒有一定賺的生意。

我本來對地產一竅不通，曾經試過扮去睇樓，幾次經驗都是在睇樓後聽個經紀UP，他只係拿住一張癈紙同一支筆，比較好既會有部細PDA仔督下督下。雞包說，一個幾百萬既DEAL，連張打得好D既報價單都無，無頭無尾咁搵張癈紙寫幾個數字，我地做客都唔得啦！
我覺得佢所言甚是。
係好多人的眼中，幾百萬已是一生投資；不過係呢班經紀心目中，會攞幾百萬買樓的都只係窮人，沒有特別好招呼之餘，仲會情緒式推你買樓，講到要考慮一下，就幾乎搵對眼 "超" 住你。
"無心買就唔好嚟睇啦！"

為了知多一點地產，我有曾刨過一些討論區。在樓巿頂峰時，銀行發展商有肯做九成、九成半按偈，多了十幾萬的保險費還是你俾嘛，最重要就是令你錯覺得有著數，我又有錢入貨，是一個時機。現樓巿價低時，是沒有這些優惠的。
我覺得沒錢而又要買樓，就像活在別人隨手可捏死你的股掌之中。你本來並不是有錢，只是你覺得自己有錢，而其實又無人覺得你有錢；到你幢樓發生事既時候，你忽然間意識到原來自己無錢，但到其時人地會以為你好有錢，就不斷叫你快賠錢～

上星期看到某銀行裁掉100個精英員工新聞。他們是幫富豪投資，精英中的精英。那裡客戶的開戶入場費是300萬美金。至現在，富豪薪身少了起碼60%，賭王更據聞是少了90%，投資意慾低落，所以銀行就以此生意淡泊的理由，裁走了這班員工。他們在好景時，曾有人一個月連佣金逗了400多萬，足夠一層物業，並且一年花紅可多至60個月（做左咁耐野，我一個月花紅都無攞過），薪酬之高簡直是天荒夜譚。
那個時候，有人可以待上午發了薪就去買樓，下午就去轉了手，淨賺二十萬，誇張得以為要去天橋底搵戲子佬才聽得見。
愚昧人的有錢，花給自己、花給世界、花給物質，或者還會花給在身邊黏金糠的人。天天萬歲下午茶，連最頂級旦糕吃到全公司都膩，早餐吃花膠燕窩等等....

如果我們錢不夠是一個事實，那看完以上人家賺多少錢以後，就更加覺得不應該為人家的一個月薪水而勞碌一生。
曾去過一間在銅鑼灣的教會，它坐落在銅鑼灣算不錯的地標。起初當然會想這建築物會欠很多債，不過在我知道的版本，這建築物在幾年內還清二億債項，現在一定沒有欠債。詳細情況那個會友還沒機會向我說清楚。所以我覺得，要做好一件事還不只一個方法。

無咁大個頭，想戴咁大頂帽；這並不是一個需要，而只是貪心也。